Маалыматка ылайык, иш-чара ачык диалог форматында өтүп, катышуучулар суроолорду беришти.
Жолугушууда ишкерлерге салык мыйзам бузууларын аныктоо үчүн заманбап инструменттер, анын ичинде салык администрирлөөсүндөгү ачыктыкты жана натыйжалуулукту жогорулатууга багытталган «Салык күзөт» аналитикалык системасы сунушталды. Шыкмаматов мындай жолугушуулар бизнес менен ачык байланыш түзүүгө, негизги көйгөйлөрдү аныктоого жана алардын чечилиши боюнча конкреттүү сунуштарды топтоого багытталганын белгиледи.
Ишкерлер салык кызматынын жетекчилигине түздөн-түз кайрылып, суроолорун берип, керектүү түшүндүрмөлөрдү алышты.
ГНСтин жетекчиси мамлекеттик кызыкчылыктарды коргоодо ишкерлердин муктаждыктарын да эске алуу маанилүү экенин баса белгиледи. Ал адилеттүү салык салуу менен бизнес жүргүзүү үчүн ашыкча тоскоолдуктарды жок кылуу ортосунда баланс табуу зарылдыгына көңүл бурду.
Жолугушуунун жыйынтыгы боюнча Алмамбет Шыкмаматов ишкерлер менен өз ара аракеттешүүнү жакшыртуу жана салык администрирлөөсүн өркүндөтүү боюнча негизги приоритеттүү милдеттерди жана тапшырмаларды белгиледи.
