Заводду керектүү жабдуулар менен камсыздоо үчүн Сокулук райондук мамлекеттик өнүктүрүү фонду тартылган.
Ведомство ошондой эле сафлорду кайра иштетүү процессинде алынган жмых айыл чарба малдарына азык катары колдонуларын белгиледи.
«Сафлордун түшүмдүүлүгү гектарынан орто эсеп менен 1 тоннага чейин жетиши мүмкүн, ал эми агрономиялык нормаларды сактаганда 5 тоннага чейин жетет. Май болсо жалпы көлөмдүн 40% чейин түзүшү мүмкүн», — деп кошумчалашты айыл чарба министрлигинде.
Сокулук районунун төмөнкү бөлүгүндө болжол менен 50 миң гектар себүү аянты бар, анын жарымы кургак жерлерди түзөт. Мурда бул жерде негизинен буудай жана арпа өстүрүлчү.
Келечекте сафлорду себүү аянттарын кеңейтүү, бул процесс үчүн дыйкандарды жана фермерлерди тартуу, ошондой эле аларды заманбап уруктар жана техника менен камсыздоо пландалууда.
