Бул мыйзам долбоору өкмөт башчы тарабынан сунушталган.
Экономика жана соода министринин орун басары Беназир Нурланова долбоор тууралуу маалымат берди.
Ал мыйзам долбоорунун максаты кредиттик маалыматтар боюнча мыйзамдарды жакшыртуу экенин белгилеп, бул өз кезегинде жарандар менен ишкерлердин кредиттик ресурстарга жетүүсүнө жана финансылык инклюзияны камсыздоого шарт түзөрүн айтты.
Сунуштардын бири кредиттик маалыматтарды сактоо мөөнөтүн кыскартуу болуп саналат, бул карыз алгандардын кредиттерге жетүүсүн жеңилдетип, банк системасына жүктөмдү азайтып, чакан жана орто бизнесин өнүктүрүүгө жардам берет.
