2021-жылдан 2025-жылга чейин Кумтөр алтын кенин улутташтыруу натыйжасында Кыргызстандын бюджетине чоң суммадагы акчалар түштү. Бул тууралуу премьер-министр Адылбек Касымалиев билдирди.
Анын айтымында, Кумтөрдүн ишмердүүлүгүнөн мамлекеттик казнага болжол менен 5,115 миллиард АКШ доллары (400 миллиард сомдон ашык) түштү. Бул суммадан 1,176 миллиард доллар салыктар жана башка милдеттүү төлөмдөрдү, ошондой эле болжол менен 441 миллион доллар дивиденддер түрүндө болду.
Премьер-министр бул кирешелер мамлекеттин финансылык базасын бекемдөөгө олуттуу таасир эткенин белгиледи.
