Балык уулоого берилген субсидиялар боюнча келишимдин максаты — мыйзамсыз, билдирилбеген жана жөнгө салынбаган балык уулоону колдогон субсидияларды жоюу жана деңиз биоресурстарын туруктуу пайдаланууну колдоо.
Кабыл алынган протокол ДСУнун балык уулоого жана экологияны коргоого байланыштуу маселелерге көңүл бурулган биринчи көп тараптуу келишими болуп калды. Ал мыйзамсыз жана жөнгө салынбаган балык уулоого берилген субсидияларга жана запасы азайган аймактарда жана жөнгө салынбаган зоналарда балык уулоону колдоого тыюу салат.
Мындан тышкары, келишим өнүгүп келе жаткан өлкөлөр үчүн атайын чараларды камтыйт, жаңы талаптарга ылайыкташуу үчүн өтүү мезгилдерин жана техникалык жардамды сунуштайт.
