Су ресурстары, айыл чарба жана кайра иштетүү өнөр жайы министрлигинин басма сөз кызматына ылайык, текшерүү учурунда жер жана суу мыйзамдарынын нормалары бузулгандыгы аныкталды.
Текшерүүнүн жыйынтыгында компанияга 17 000 сом өлчөмүндө айып пул салынды.
Мындан тышкары, компанияга 2024-2025-жылдар аралыгында беттик сууларды пайдаланганы үчүн 1 млн 484,2 миң сом төлөө боюнча көрсөтмө берилди. Бул көрсөтмөнү аткаруу үчүн бир ай мөөнөт берилди.
Ведомстводо бул чаралар жер жана суу ресурстары боюнча мыйзам талаптарын сактоону камсыздоого багытталгандыгын белгилешти.
Маалымат
Кыргыз Республикасынын Юстиция министрлигинин маалыматына ылайык, «Шанси Коал Инвестмент Групп» жоопкерчилиги чектелген коомунун жетекчиси Айсана Байзаковна Исмаилова, ал эми негиздөөчүлөрүнүн арасында Ли Гуанхон жана Татьяна Олеговна Мартынова бар.
