Таможенин көзөмөлү учурунда VIN-кодунун онунчу символу («M») 2021-жылга таандык экендиги эл аралык ISO стандарттарына жана ЕЭКтин №74 чечимине ылайык аныкталган. Бирок, Кыргыз Республикасынын Юстиция министрлигинин Соттук-эксперттик кызматынын корутундусуна ылайык, бул унаа чындыгында 2015-жылы чыгарылган. Натыйжада, туура эмес декларациялоодон улам мамлекетке 2 484 898 сом өлчөмүндө зыян келтирилген.
Бул факт Бирдиктүү кылмыштар реестрине катталган, ал эми иштин материалдары мыйзамдык баа берүү үчүн ГТСтин Тергөө башкармалыгына өткөрүлгөн. Көрүлгөн чаралардын натыйжасында республикалык бюджетке 2 484 898 сом өндүрүлгөн.
