Австрия делегациясы ар кандай мамлекеттик мекемелердин, ошондой эле технологиялык, консалтингдик жана финансылык компаниялардын өкүлдөрүнөн түзүлгөн.
ГАГАнын маалыматына ылайык, Кыргызстан жарандык авиация, авиациялык коопсуздук жана алдыңкы технологияларды киргизүү боюнча Австрия менен терең жана практикалык кызматташууга кызыгуу көрсөтүүдө.
Жолугушууда авиация, коопсуздук, технологиялар жана жалпы долбоорлорду финансылык колдоо боюнча биргелешкен иш алып баруу үчүн платформа түзүү маселеси талкууланды.
Мындан тышкары, катышуучулар FREQUENTIS, Doculus Lumus, Ulbrichts жана RocFortis Group Holding сыяктуу компаниялардын продукциялары жана алардын Кыргызстанда киргизүү мүмкүнчүлүктөрү менен таанышышты.
