ГУВДнын маалыматы боюнча, алдамчылар WhatsApp мессенджерин колдонуп, жабырлануучу менен байланышып, УКМКнын кызматкерлери жана банк кызматкерлери болуп өздөрүн тааныштырган. Алар жабырлануучуну алдап, психологиялык басым жасап, ар кандай финансылык операцияларды аткарууга мажбурлашкан.
Бул манипуляциялардын натыйжасында аял өзүнүн батирин сатууга макул болуп, акчаны шектүүлөр көрсөткөн эсептерге өткөргөн, бул болсо олуттуу финансылык жоготууларга алып келген. Мунун негизинде Кыргыз Республикасынын Кылмыш кодексинин 209-беренеси (алдамчылык) боюнча кылмыш иши козголгон.
Оперативдик иш-чаралардын жүрүшүндө Бишкек ШИИБинин УУР кызматкерлери шектүүлөрдү аныктап, кармоого жетишишти: А. Ж. (2007-жылы туулган), Б. С. (1998-жылы туулган) жана Н. М. (2002-жылы туулган).
Скриншот
Скриншот
Скриншот
Учурда бардык кармалгандар Бишкек шаарындагы убактылуу кармоо жайында.
