Узген районунда аламан улак өткөрүлгөндөн кийин, Кыргызстандын Табигый ресурстар министрлиги иш-чара өткөрүлгөн жерде уруксатсыз таштанды чыгаруу фактысын каттады.
Муну менен байланыштуу Ош облустук экология жана техникалык көзөмөл кызматы зарыл чараларды көрө баштады. Айрыкча, Баш-Дөбө жана Төрт-Көл айылдык аймактарына таштандыны тазалоо боюнча расмий билдирүүлөр жөнөтүлдү.
Мындан тышкары, аламан улак уюштуруучусу Жанышу Ниязовго Кыргыз Республикасынын укук бузуулар кодексинин 115/1-беренесине ылайык 5 500 сом өлчөмүндө айып пул салынды.
Учурда таштандыны тазалоо иштери иш-чаранын уюштуруучулары, жергиликтүү бийлик өкүлдөрү жана райондун тургундары тарабынан биргеликте жүргүзүлүүдө.
Министрлик массалык иш-чараларды өткөрүүдө экологиялык нормаларды сактоонун маанилүүлүгүн эскертет.
Ошондой эле оюн учурунда эки инцидент катталганын белгилөө керек. Катышуучулардын бири ат менен бирге дарыяга кулап, тилекке каршы, каза болду. Ошондой эле иш-чарага бараткан унаа токойдон түшүп кетип, айдоочу ооруканага жеткирилди.
