Узген районунда аламан улак өткөрүлгөндөн кийин, иш-чаранын өткөрүлгөн жеринде уруксатсыз таштанды таштоо учурлары байкалган. Бул тууралуу Кыргыз Республикасынын Табигый ресурстар, экология жана техникалык көзөмөл министрлиги маалымдады. Ошондуктан, Ош облустук башкармалыгы зарыл чараларды көрүүгө киришти. Атап айтканда, Баш-Добо жана Торт-Кол айыл аймактарына таштандыны тазалоо боюнча расмий каттар жөнөтүлдү.
Мындан тышкары, аламан улак уюштуруучусу Жаныш Ниязов 5 500 сом суммада айып пулга тартылды, бул Кыргыз Республикасынын укук бузуулар кодексинин 115/1-беренесине ылайык.
Учурда иш-чаранын уюштуруучулары жергиликтүү бийлик жана тургундар менен биргеликте таштандыларды тазалоо менен алектенишүүдө.
