Кыргызстандын Улуттук коопсуздук мамлекеттик комитети айыл чарба министрлигине таандык су күндөлүк жөнгө салуу бассейнинин (БСР) мыйзамсыз приватизациялангандыгы тууралуу маалымат берди. Бул объект Чүй облусунун Ысык-Ата районунда жайгашкан.
Маалымат: Советтер доорунда су күндөлүк жөнгө салуу бассейндери айыл чарба жерлерин зарыл болгон сугат суусу менен камсыздоо максатында түзүлгөн. Алардын негизги максаты — суу ашыкча болгон мезгилдерде (мисалы, кышында же жамгыр учурунда) суу топтоо жана кургак мезгилдерде колдонуу.
1999-жылдын 30-ноябрындагы өткөрүү актасына ылайык, аталган БСР «Пахарь» кооперативине мыйзамсыз өткөрүлгөн. Кийин, 2021-жылы, Ысык-Ата районунун Ивановка айыл өкмөтүнүн №28 чечими боюнча, бассейн СПК «Пахарь» менчигине өткөрүлгөн, андан кийин жеке менчик укугуна мамлекеттик акт алынган.
Жүргүзүлгөн оперативдүү-тергөө иш-чараларынын натыйжасында, бул мыйзамсыз приватизацияланган объект мамлекеттик менчикке кайтарылды жана азыркы учурда айыл чарба министрлигинин структурасына кирген Ысык-Ата суу чарба башкармалыгына таандык.
