Экинчи этапта көзөмөл «Мега Логистик» бажы пунктунда жүргүзүлөт, анда лабораториялык анализ үчүн үлгүлөр алынып, Ош шаарындагы карантин фитосанитардык лабораториясына жөнөтүлөт. Кыргыз Республикасынын аймагына отургузуучу материалды алып келүүгө лабораториялык экспертизанын терс жыйынтыктарын алганга чейин уруксат берилбейт, бул тиешелүү фитосанитардык документтин берилүүсү менен тастыкталат. Мындан тышкары, дезинфекциялоо иш-чаралары жүргүзүлөт.
Ош облусуна отургузуучу материалды импорттоодо төмөнкү талаптарды так сактоо керек:
- Агрардык культураларды экспертизалоо департаментинен атайын уруксаттын болушу;
- Экспорттоочу өлкөнүн компетенттүү органы тарабынан берилген фитосанитардык сертификат;
- Фитосанитардык тазалыкты тастыктаган коштоочу документтер;
- Инвойс;
- Товардык-транспорттук документтер.
Ош облусунун химизация, коргоо жана карантин департаменти отургузуучу материалдарды импорттоодо фитосанитардык нормаларды сактоо өлкөнүн айыл чарбасын коргоонун жана карантиндик зыяндуу организмдердин жайылышын алдын алуунун негизги шарттары экенин баса белгилейт.
