Ал мобилдик банктык тиркемелер аркылуу айыппулдарды дароо төлөө үчүн ыңгайлуу шарттарды түзүүнүн зарылдыгын белгиледи. «Адамдар жеринде төлөй албай калышат, натыйжада авиабилеттери жоголуп, чыгымга учурашууда», - деп баса белгиледи депутат.
Бул байкоого жооп катары Жогорку Соттун Аппаратынын орун басары Аман Джумалиев «Тундук» тиркемеси аркылуу колдонуучулар айыппулдар жана чектөөлөрдүн бар-жогун алдын ала текшерүүгө мүмкүнчүлүк бар экенин билдирди. «Айыппул төлөнгөндөн кийин, бардык чектөөлөр 24 сааттын ичинде алынып салынат», - деп кошумчалады ал.
Акырында, Мавлянова дароо төлөмдөр үчүн система иштеп чыгууга чакырды. Ошол күнү «Кыргыз Республикасынын салыктык эмес кирешелери жөнүндө кодекске өзгөртүү киргизүү тууралуу» мыйзам долбоору экинчи окууга даярдалды.
