Жыйында транспорттук байланыштарды кеңейтүү, логистикалык коридорлорду өнүктүрүү, транспорттук тоскоолдуктарды азайтуу жана тармакка санариптик технологияларды киргизүү боюнча негизги маселелер каралды.
Сыргабаев өз сөзүндө өлкө үчүн маанилүү болгон Кытай—Кыргызстан—Узбекистан темир жолун куруу долбоорун ишке ашырууга көңүл бурду жана бул баштама боюнча бир нече аспектилерди белгиледи.
«Кыргызстан автомобиль жана темир жол секторун модернизациялоого, логистикалык борборлорду өнүктүрүүгө жана транзиттик потенциалды жогорулатууга багытталган инфраструктуралык долбоорлор менен активдүү иш алып барууда. Негизги долбоорлордун бири Кытай—Кыргызстан—Узбекистан темир жолун куруу», - деди министр.
Ал ошондой эле Кыргызстан транспорт тармагын өнүктүрүүгө багытталган биргелешкен демилгелерге жана долбоорлорго катышууга даяр экенин баса белгиледи.
«Устундук жана «жашыл» транспорт маселелери күндөн-күнгө актуалдуу болуп жатат. Кыргызстан экологиялык жактан таза транспорт түрлөрүн өнүктүрүүгө жана транспорт инфраструктурасынын табиятка терс таасирин минималдаштырууга көмөктөшүүчү демилгелерди колдойт», - деп кошумчалады Сыргабаев.
