«Заманауи инновациялар жүк жана адамдарды ташуу ылдамдыгына гана эмес, экономикасынын туруктуу өнүгүүсүнө да таасир этет. Транспорт тармагындагы инновациялык чечимдерди колдоо стратегиялык зарылчылыкка айланууда», – деп белгиледи Кожошев.
Панелдик сессиянын жүрүшүндө министр ЕАЭСтин алкагында төмөнкү жетишкендиктер тууралуу билдирди:
Интеллектуалдык транспорт системаларынын өз ара аракеттенүүсүн жакшыртуу боюнча концепциянын иштелип чыгышы,
Бирдиктүү мамлекеттердин деңиз чек ара пункттарында электрондук документ жүгүртүүнү өнүктүрүү боюнча концепциянын түзүлүшү.
Ошондой эле учурда эл аралык автомобиль ташууларында колдонулуучу e-CMR накладнойунун трансчек аралык электрондук алмашуусу боюнча пилоттук долбоор активдүү ишке ашырылууда.
«Улуттук укуктук системалардагы айырмачылыктарды эске алып, биз өлкөлөрдүн улуттук сегменттери арасында негизги электрондук транспорт кызматтары боюнча маалыматтык өз ара аракеттенүүнү түзүүгө жана ташууларды башкаруу үчүн санариптик инструменттерди гармонизациялоого, пилоттук долбоорлорду өткөрүүгө көңүл буруудабыз», – деп кошумчалады ЕЭК министри.
Кожошев ошондой эле Союздун айрым мүчө мамлекеттери эл аралык автомобиль ташууларын жүргүзгөн транспорт каражаттарынын экипаждарынын ишин жөнгө салган Европалык келишимди (ЕСТР) сактоодо кыйынчылыктарга туш болуп жатканын белгиледи.
