Актуалдуу маалыматтарга ылайык, катталган транспорт каражаттарынын структурасы төмөнкүдөй:
- 972 252 — бензиндүү унаалар (51%)
- 57 310 — газдуу унаалар (3%)
- 339 938 — дизельдүү унаалар (18%)
- 56 997 — газ-бензин системалары менен жабдылган унаалар (3%)
- 37 295 — гибриддүү унаалар (2%)
- Башкасы — башка түрдөгү транспорт
Жалпы транспорт каражаттарынын санынын ичинен электромобилдер 0,8% түзөт. Соңку жылдарда алардын санынын туруктуу өсүшү байкалууда:
- 2022 жыл — 1 113 электромобиль
- 2023 жыл — 2 310 электромобиль
- 2024 жыл — 3 122 электромобиль
- 2025 жыл — 9 870 электромобиль
Мындан тышкары, республикада автопарктын жаңылануусуна тенденция байкалууда: 2024-жылы 5 жашка чейинки унаалардын үлүшү 1,5% түзсө, 2025-жылы ал жалпы катталган транспорт каражаттарынын 4,5% га чейин өстү.
Бишкекте «Жашыл такси» долбоорун Улуттук инвестициялык фонд менен кызматташтыкта ишке киргизүү пландалууда. Учурда долбоорду ишке ашыруу механизмдери жана мүмкүнчүлүктөрү талкууланууда.
Баш калаада 100дөн ашык электрозаряддоо станциялары орнотулган, бул экологиялык таза транспорт үчүн инфраструктураны өнүктүрүүгө жана электромобилдердин санын көбөйтүүгө көмөктөшөт.
Экологиялык таза транспортту өнүктүрүү айлана-чөйрөнү коргоо, абанын сапатын жакшыртуу жана шаарлардын туруктуу өнүгүшү үчүн маанилүү кадам болуп саналат. Бул иш системалуу негизде улантылат.
