Бишкектеги Лев Толстой көчөсүндө, 144-үйдө Жаш техникдер станциясынын жаңы заманбап имаратынын курулушу жүрүп жатат. Бул долбоордун заказчысы борбордун Капиталдык курулуш башкармалыгы.
Учурда объектте ички бүтүрүү иштеринин жүргүзүлүп жатканы жана фасад боюнча иштердин аткарылып жатканы мэрия тарабынан маалымдалды.
Жалпы аянты 2563 чарчы метрди түзгөн имарат беш кабаттан, анын ичинде подвалдан турат. Ичине окуу кабинеттери, астрономиялык обсерватория, музей, конференц-зал, ошондой эле бий залдары, актовый зал, китепкана жана балдардын чыгармачылык жана техникалык өнүгүүсүнө жардам берүүчү башка жайлар пландалууда.
Имараттын айланасында спорттук аянтча (WORKOUT), линейкаларды өткөрүү үчүн жабык навес, автомодельдерди учуруу үчүн аянтча, картодром жана практикалык сабактар үчүн башка зоналар уюштурулат.
Долбоордун подрядчысы ОсОО «Эссир Компани» компаниясы.
Бишкектеги Жаш техникдер станциясынын курулушу уланууда деген жазуу K-News сайтында биринчи жолу пайда болду.
