Департаменттын маалыматына ылайык, жабыркагандардын уулануу белгилери 15-январда ар кандай убакытта пайда болгон жана алар республикалык клиникалык инфекциялык ооруканасына медициналык жардамга кайрылышкан. Бардык жабыркагандарга зарыл медициналык жардам көрсөтүлүп, лабораториялык изилдөөлөр үчүн үлгүлөр алынган.
Бардык жабыркагандар 15-январда аталган фастфуддан сатып алынган шаурманы жешкен. Бишкек шаарындагы мамлекеттик санитардык-эпидемиологиялык көзөмөл борборунун адистери тарабынан жүргүзүлгөн пландалбаган текшерүү учурунда ингредиенттердин, ашкана жабдыктарынан алынган жуугучтардын жана даяр продукциянын калдыктарынын үлгүлөрү алынган. Ошондой эле, кызматкерлердин ичеги инфекцияларын жараткан микробдор үчүн текшерүү жүргүзүлгөн.
Текшерүүнүн жүрүшүндө мыйзам бузуулар аныкталып, 3 мыйзам бузуулар протоколу түзүлгөн. Натыйжада, Кыргыз Республикасынын «Мыйзам бузуулар жөнүндө» Кодексинин 80, 214-беренелеринин 1-бөлүгү жана 5-бөлүгү боюнча жалпы суммасы 41 000 сомго айыппул салынган.
Аныкталган мыйзам бузууларга байланыштуу, фастфуддун жетекчисине 15-январдан тарта мекемени жабуу боюнча буйрук берилген.
