Жолугушууда бизнести жаңы өзгөрүүлөргө даярдоо, ошондой эле ЕАЭБ чегинде тышкы экономикалык ишмердүүлүктө навигациялык пломбаларды колдонуу эрежелери жана нормалары түшүндүрүлдү. Кубанычбек Ысабековдун айтымында, бул демилгени ишке ашыруунун максаты — декларланган товарлардын коопсуздугун жана тактыгын камсыздоо, бул чек арадан өтүү процессин тездетүүгө жана ишкерлердин жүгүн азайтууга мүмкүндүк берет.
Жыйында ГНС жана улуттук оператордун адистери навигациялык пломбаларды колдонуу процессин кенен түшүндүрүштү. Бизнестин өкүлдөрү да өздөрүнүн суроолорун берип, керектүү түшүндүрмөлөрдү алышты.
Кубанычбек Ысабеков, келечекте ГНС кызматкерлерине бул көзөмөл системасын колдонуу боюнча түшүндүрүү иш-чараларын өткөрүү пландалууда деп кошумчалады.
Эскертүү катары, ЕАЭБдин навигациялык пломбалар боюнча келишимине ылайык, 2026-жылдын 11-февралынан баштап Евразия экономикалык бирлигинин бардык мүчө мамлекеттеринде жүк ташууларды навигациялык пломбаларды колдонуу менен туруктуу көзөмөлгө алуу киргизилет.
Бул жаңы өзгөрүү алкоголь продукциясын жана тамеки буюмдарын автоунаа жана темир жол транспорту аркылуу ташууга тиешелүү болот.
