Жолугушуунун жүрүшүндө теридөн жана бут кийимден жасалган өнөр жайындагы кызматташуу мүмкүнчүлүктөрүнө көңүл бурулду. Негизги маселелердин бири Кыргызстандан Өзбекстан рыногуна кайра иштетилбеген жана жарым-жартылай кайра иштетилген терилерди жеткирүү болду.
«Узчармсаноат» ассоциациясы Кыргызстандан сырьени илгерилетүүгө кызыгуусун билдирип, активдүү кызматташууга даяр экендигин растады. Ошондой эле жолугушууда Кыргыз Республикасында биргелешкен ишканаларды түзүү перспективалары талкууланды.
Жолугушуунун натыйжасында «Узчармсаноат» ассоциациясынын, тиешелүү мамлекеттик органдардын жана Кыргызстандан келген ишканалардын өкүлдөрү катышкан видеоконференция өткөрүү боюнча макулдашууга жетишилди. Бул онлайн-жолугушуунун алкагында Өзбекстанга теридей сырьенин экспорту жана жүндү кайра иштетүү боюнча кызматташуу маселелери талкууланат.
Маалымат:
«Узчармсаноат» ассоциациясы Өзбекстандын теридөн жана бут кийимден, териге жана жүн өнөр жайына тиешелүү ишканаларды камтыйт жана бул тармакты өнүктүрүү, заманбап технологияларды киргизүү жана экспорттук потенциалды жогорулатуу менен алектенет.
