Шаардык мэрдин биринчи орун басары Мирланбек Байгончоков турак-жай-коммуналдык чарба боюнча жетишкендиктер тууралуу отчетун сунуштады.
Жыйында 2025-жылы борбордо 18 755 түп дарак жана кустарник, ошондой эле 1 586 001 бир жылдык гүл, 8 210 роза кусту жана 229 380 тюльпан луковицасы отургузулгандыгы билдирилди.
Мындан тышкары, Аламедин жана Ала-Арча дарыяларынын арналарын тазалоо иштери жүргүзүлүп, анын натыйжасында болжол менен 107 миң тонна таштандылар жана чөгүүлөр чыгарылган. Чортеков жана Жайыл Баатыр көчөлөрүнүн кесилишиндеги «Өкмөттүк» скверди көрктөндүрүү жана жашылдандыруу боюнча иштер да ийгиликтүү аякталды, ал эми 8 гектар жерге суу берүү скважинасы курулду.
