Анын айтымында, билим берүү мекемеси 1983-жылы курулган жана ошол убактан бери капиталдык ремонттон өтпөгөн.
Курманалиева имараттын абалы өтө канааттандырарлык эместигин белгилеп, тиешелүү органдарды мектепти капиталдык ремонт планына киргизүүгө чакырды.
Мындан тышкары, ал Базар-Коргон шаарына караштуу Сай-Коргон айыл аймагындагы мектептеги көйгөйлөргө көңүл бурду. Ал жерде да билим берүү мекемеси начар абалда, окуучулар үчүн орун жетишпейт жана парталарга муктаж. Имарат өтө кичинекей жана заманбап талаптарга жооп бербейт.
Депутат бул мектепти 2026-жылга титулдук тизмеге киргизүүнү сунуштап, январь айында депутаттар жерине барып, абал менен жакындан таанышканын кошумчалады.
