МНВОИнин сүрөтү
Министрликтин маалымат кызматынын маалыматына караганда, тараптар өлкөлөр ортосундагы кызматташтыкты жаңылоону каалап, 2026-жылга пландалган биргелешкен иш-чаралардын маанилүүлүгүн белгилешти. Ошондой эле академиялык мобилдүүлүктү өнүктүрүүгө жана жогорку окуу жайларынын ортосундагы байланыштарды күчөтүүгө көңүл бурулду.
Талкууланган негизги темалардын бири Венгрия тарабынан башталган Stipendium Hungaricum стипендиялык программасы болду. Бул программа аркылуу кыргызстандыктар өлкөнүн мыкты университеттеринде окуу мүмкүнчүлүгүнө ээ болушууда. Мурда Кыргызстандан студенттер үчүн 200 квота бар экени тууралуу маалымат берилген.
Жолугушуунун жыйынтыгында эки тараптын стратегиялык өнөктөштүктү тереңдетүүгө, билим берүү алмашууларын кеңейтүүгө жана илимий-техникалык кызматташтыкты өнүктүрүүгө болгон ниети бекемделди, ошондой эле биргелешкен ишмердүүлүктүн негизги багыттары аныкталды жана келечектеги кызматташтык боюнча макулдашууга жетишилди.
