Чүй облусунда азык-түлүккө арналган ярмарка күнү өттү. Бул маалымат Кыргыз Республикасынын Суу ресурстары, айыл чарба жана кайра иштетүү өнөр жайы министрлиги тарабынан берилди.
Министрликтин маалыматына ылайык, иш-чарада азык-түлүк товарларынын баалары базардык баалардан төмөн болду. Айрыкча, эт 680 сомдон, картошка 37 сомдон, ал эми пияз 16 сомдон сатылды.
Ошондой эле, мындай ярмаркалар өлкөнүн бардык аймактарында, ар бир райондо өткөрүлүп жаткандыгы маалымдалды. Кээ бир айылдарда этке жеткиликтүү баалар менен социалдык соода пункттары ачылууда. Ярмаркалар июнь айына чейин улантылат деп пландалууда.
Маалыматта: «Бүгүнкү күндө социалдык мааниге ээ азык-түлүк товарларынын запастары жетиштүү» деп белгиленген.
