Иш-чарага өкмөт башчынын орун басары Эдил Байсалов, маданият, маалымат жана жаштар саясаты министри Мирбек Мамбеталиев, министрдин биринчи орун басары Союзбек Надырбеков, ошондой эле Улуттук китепкананын жана башка мекемелердин өкүлдөрү катышып, бул тармакты өнүктүрүү боюнча өз идеяларын сунушташты.
Талкуулар китепкана системасынын учурдагы абалы, тармактагы негизги көйгөйлөр, жүргүзүлүп жаткан реформалар, ошондой эле окууну популяризациялоо жана китепканаларды заманбап чакырыктарга ылайыкташтыруу маселелерин камтыды.
Уюштуруучулардын айтымында, Art dialog мамлекеттик органдар менен профилдик мекемелердин ортосундагы өз ара аракеттенүүнү жогорулатуу жана китеп жана китепкана секторлорун өнүктүрүү боюнча стратегияларды иштеп чыгуу үчүн маанилүү платформага айланды. Жыйынтыгында тармактагы абалды жакшыртууга багытталган резолюция кабыл алынды.
