Жолугушуунун жүрүшүндө тараптар туруктуу өнүгүү чөйрөсүндө, анын ичинде «жашыл» технологияларды киргизүү, катуу үй-бүлөлүк жана медициналык калдыктарды кайра иштетүү, ошондой эле Кыргызстанда пилоттук инвестициялык долбоорлорду ишке ашыруу мүмкүнчүлүктөрүн карашты.
НАИнын сүрөтү
Жолугушуунун жыйынтыгы боюнча НАИ менен TRITOR S.R.L. ортосунда кызматташуу боюнча меморандумга кол коюлду. Бул документ өнөктөштүк мамилелерди түзүү жана узак мөөнөттүү, натыйжалуу жана өз ара пайдалуу кызматташтыкты камсыз кылуу үчүн арналган.
Меморандумга ылайык, күнүнө 200 тонна сорттолбогон үй-бүлөлүк калдыктарды кайра иштетүүгө багытталган пилоттук долбоорлорду ишке ашыруу пландалууда. Ошондой эле цемент заводдорунда альтернативдүү экологиялык отунду колдонуу, заманбап рекультивация жана полигондорду тазалоо ыкмаларын киргизүү, ошондой эле мамлекеттик саламаттык сактоо мекемелеринде медициналык калдыктарды кайра иштетүү каралган. Жергиликтүү адистерди даярдоо жана окутууга, инвестицияларды тартууга жана финансылык операциялардын ачык болушун камсыз кылууга өзгөчө көңүл бурулат», — деп белгиленет билдирүүдө.
