Акыркы үч жылда балдар бакчасы эски мектептин жаңыланган корпусунда үч сааттык мекеме катары иштеп келген. 2025-жылдын ноябрь айынан баштап толук режимде иштеши үчүн, айылдын тургундары каражат чогултушту, ошондой эле бакчаны керектүү жабдуулар, анын ичинде ашкана техникасы жана окуу материалдары менен камсыздоо үчүн жергиликтүү бюджеттен каражат бөлүндү.
Жергиликтүү бюджеттен 650 миң сом бөлүнсө, калк тарабынан 113 миң сом чогултулду. Жергиликтүү тургундар жардам катары буюмдар жана курулуш материалдарын беришти, ал эми депутаттардын бири балдар үчүн кереуеттерди сатып алды.
Бакча азыр 60 балага ылайыкташтырылган жана алардын өнүгүшү үчүн бардык керектүү шарттарды камсыз кылат. Райондук билим берүү бөлүмү штаттык бирдиктердин санын көбөйтүп, айлык акы боюнча маселелер ийгиликтүү чечилди.
Жакын арада 120 орундуу жаңы эки кабаттуу балдар бакчасы курулушу пландалууда. Ал өкмөттүн титулдук тизмесине киргизилген, долбоорго тендер жарыяланган, ал эми облустук капиталдык курулуш башкармалыгы келишимге кол койгон. Учурда документтер бекитүү процессинен өтүүдө, курулуш үчүн жер тилкеси мектептин жанына бөлүнгөн.
