"Бишкек жана Ош шаарларында ушул компания тарабынан курулган көптөгөн объектилер же бүтпөй калган курулуш стадиясында, же такыр эксплуатацияга берилген эмес"
Ош шаарында «Эмаком» компаниясы тарабынан курулган 6 кабаттуу үйдүн көйгөйлөрү боюнча депутат Азамат Исраиловдун катышуусунда жыйын өттү. Тургундар имаратта жылуулук казанынын жоктугуна нааразы болушту.
Курулуш министри Нурдан Орунтаев «Эмаком» компаниясы учурда банкроттук абалда экенин жана финансылык кыйынчылыктарды баштан кечирип жатканын кошумчалады.
«Бул компания тарабынан Бишкек жана Ош шаарларында курулган көптөгөн объектилер же бүтпөй калган, же эксплуатацияга берилген эмес. Биз бир нече объектилерди эксплуатацияга берүү боюнча жардам бердик жана бул көйгөй менен алектенүүнү улантуудабыз. Президенттин тапшырмасы боюнча, жакынкы убакта бүтпөй калган үйлөр боюнча чечимдер кабыл алынат. Биз калкка зарыл документтерге ээ эмес компанияларга ишенбөөнү жана котлован стадиясында батирлерди сатып алуудан алыс болууну катуу сунуштайбыз. Курулуш материалдарынын баасы жогорулаганын жана көптөгөн курулуш компаниялары акча жетишсиздиги менен бетме-бет келүүдө экенин эске алуу керек», - деп жыйынтыктады министр.
Фото www
