КРда суу ресурстары, айыл чарба жана кайра иштетүү өнөр жайы министринин орун басары Бектен Бекболотов менен Пакистан элчиси Алтамаш Вазир Хан ортосунда жолугушуу өттү.
Министрликтин маалыматына ылайык, айыл чарба, соода жана халяль-индустрия боюнча кызматташтыктын учурдагы абалы жана келечектеги багыттары талкууланды. Айрыкча, кыргыз фасолунун Пакистанга экспортун көбөйтүүгө өзгөчө көңүл бурулду.
Пакистан тарап сүттү кайра иштетүү жана сүт өнөр жайын өнүктүрүү боюнча тажрыйба алмашууга кызыгуусун билдирди, ошондой эле Пакистандын Техникалык жардам программасы (PTAP) алкагында айыл чарба жана орман чарбасы боюнча ар кандай узактыктагы окутуу программаларын сунуштады.
Тараптар байланыштуу адамдарды дайындап, техникалык адистердин биргелешкен жумушчу тобун түзүү, ошондой эле бал жана кургак жемиштер соодасын өнүктүрүү, биргелешкен ишканаларды илгерилетүү жана жалпы кызыкчылык боюнча адистик консультацияларды улантуу боюнча иштерди активдештирүүгө макулдашты. «Жолугушуу конструктивдүү рухта өттү жана кызматташтыкты тереңдетүүгө өз ара кызыгууну тастыктады», - деп айтылат билдирүүдө. ```
