Ведомствонун маалыматына ылайык, 2025-жылы мамлекеттик жумушсуздук программаларын ишке ашыруу аркылуу бул көрсөткүч 1,4 пайызды түздү.
Жумушсуздук кызматтарында 56,5 миң адам катталган, бул өткөн жылга салыштырганда 20 пайызга аз. Расмий катталган жумушсуздардын саны 22 пайызга төмөндөгөн.
2025-жылдын ичинде 17,5 миң жаран министрликтин колдоосу менен жумуш тапса, дагы 19,8 миң адам кесиптик окутуу, кайра даярдоо жана убактылуу жумушка орношуу сыяктуу активдүү жумушсуздук программаларына катышты.
Министрлик жумушсуздук деңгээлин төмөндөтүү программаларынын кеңейиши, регионалдык экономикасынын абалынын жакшыртылышы жана жеке сектордо жумушчу күчүнө болгон суроо-талаптын жогорулашы менен байланыштуу экенин баса белгилейт.
