Учурда укук коргоо органдары бул мыйзамсыз аракеттерге катышы бар бардык адамдарды аныктоо боюнча активдүү иш алып барууда.
Эгерде банктын картасын өткөрүп берүү, акча которууга жардам берүү же аккаунтка кирүүгө мүмкүнчүлүк берүү жоопкерчиликке тартылбайт деп ойлогон жарандар болсо, алар да кылмышка катышкандыгы үчүн жоопкерчиликке тартылышы мүмкүн экенин билиши керек.
ИИМдин маалыматына ылайык, алдамчылар дропперлерди тартуу үчүн мессенджерлерди жана социалдык тармактарды активдүү колдонуп, аларга «жөнөкөй киреше» убада кылышат.
Ошондуктан министрлик жарандарды сак болууга, банктын карталарын жана жеке, санариптик маалыматтарын үчүнчү жактарга өткөрүп бербөөгө чакырат.
