Жолугушууга жүздөн ашык адам катышты. Жабыркагандар курулуш долбоорлорунун токтоп калуусуна жана компаниянын камактагы мүлкүн колдонууга байланыштуу тынчсызданууларын билдиришти, ошондой эле материалдык чыгымдарды кайтарууну талап кылышты. Эркебек Аширходжаев «Дастан Курулуш» компаниясынын директору кылмыш ишинин алкагында камакта экенин, тергөө иштери улантылып жатканын маалымдады.
Ички иштер министрлигинин маалымат кызматынын маалыматы боюнча, Жалал-Абад облусунда «Дастан Курулуш» компаниясына карата 66 материал катталган. 41 иш боюнча кылмыш иштер ачылып, бир өндүрүшкө бириктирилип, сотко өткөрүлгөн.
Алдын ала маалыматтар боюнча, жалпы чыгым 36 миллион сомдон ашат.
Жолугушуунун соңунда орун басар министр бардык жарандардын арыздары мыйзамга ылайык караларын жана жабыркагандардын укуктары корголорун белгиледи.
