Визиттин алкагында делегация академиянын жетекчилиги жана машыктыруучулары менен жолугушуу өткөрдү. Талкуу учурунда жаш спортчулардын өнүгүшүнө байланыштуу маанилүү маселелер көтөрүлдү, ошондой эле заманбап машыгуу методикаларын колдонуу боюнча тажрыйба алмашуу тууралуу сөз болду. Делегациянын мүчөлөрү жеринде окуу-машыгуу процессин таанып, тарбиялануучулардын даярдык деңгээлин баалай алышты.
Асылбек Момунов атындагы футбол академиясы өлкөдөгү футбол системасында маанилүү роль ойнойт. Окуу жайы Кыргыз футбол союзу менен активдүү кызматташып, балдар жана жаштар үчүн республикалык мелдештерге туруктуу катышып, анын тарбиялануучулары дайыма жогорку жыйынтыктарды көрсөтүп келет.
