Жооптор маанилүү сатып алуулардан жеке жетишкендиктерге жана жашоо приоритеттеринин өзгөрүшүнө чейин ар түрдүү болду.
Бишкектен келген аялдардын бири үчүн эң маанилүүсү — өзүнө ишенүүнү табуу болгонун белгиледи.
"Мен өзүмдүн ойлогонумдан көбүрөөк нерселерди жасай алаарыма ишендим. Мен жөн гана өзүмө жакшылык кылууну чечтим жана күчүмө ишендим — жана мен муну жасадым. Азыр менин жаңы жумушум бар, айлыгым эки эсе жогору. Бул менин башыман өткөн эң жакшы нерсе", - деди ал.
Бирок, бардык респонденттер жылдын ийгиликтүү болгондугуна макул эмес. Эркектердин бири глобалдык абалдан улам бул жылды жакшы деп аташ кыйын экенин билдирди. "Менин оюмча, бул жылы эч кандай өзгөчө нерсе болгон жок. Уруш уланууда, баалар өсүүдө, жашоо кыйын", - деди ал.
Ошентсе да, көпчүлүк респонденттер оң өзгөрүүлөрдү белгилешти. Бир кыз кубаныч менен өзүнүн узактан берки кыялына жеткенин билдирди: "Мен машина сатып алдым — ушул", - деди ал жылмайып.
Башкалар дагы кубанычтуу учурлар менен бөлүштү, мисалы: "Мен сүйүктүү адамымды жолуктурдум" жана "Мен бул жылы олуттуу өзгөрдүм — жакшы жагына".
Кээ бирлер үчүн өткөн жыл кыйын, бирок маанилүү чечимдерди кабыл алуу убактысы болду. "Мен ажыраштым, жана бул мен үчүн жакшы окуя болду. Мен өзүмө көбүрөөк кам көрө баштадым жана өнүгүүм үстүндө иштей баштадым", - деди аялдардын бири.
Мындан тышкары, үй-бүлөлүк окуялар да болду. "Мен кызымды турмушка бердим. Эми менин күйөө балам бар. Бул кубанычтуу жана толкундандырат", - деди сурамжылоонун катышуучуларынын бири.
