Переговорлордун негизги темасы транспорт логистикасы боюнча кызматташуу мүмкүнчүлүктөрү болду.
«Сүйлөшүү учурунда Кыргызстандагы темир жол инфраструктурасын өнүктүрүүгө, ошондой эле заманбап логистикалык жана контейнердик борборлорду түзүү зарылдыгына басым жасалды. Rhenus Logistics компаниясынын инфраструктуралык долбоорлорду ишке ашыруудагы катышуусу жана өлкөдөгү катышуусун кеңейтүү мүмкүнчүлүктөрү талкууланды. Жолугушуунун жыйынтыгы боюнча эки тарап да биргелешкен инициативаларды ишке ашыруу боюнча практикалык консультацияларды уюштуруу жана мындан аркы биргелешкен иштөө боюнча кызыгуусун растады», — деп айтылат билдирүүдө.
Маалымат: Rhenus SE — Германиянын Хольцвиккеде жайгашкан эл аралык логистика тобу, транспорт-логистикалык кызматтар тармагында дүйнөдөгү алдыңкы операторлордун бири. Компания мультимодалдык жүк ташуу, склад логистикасы жана жеткирүү чынжырларын башкаруу боюнча комплексдүү чечимдерди сунуштап, дүйнө жүзүнүн 70тен ашык өлкөсүндө иш алып барат.
