Кандидаттар компьютердик тестирлөөдөн гана өтүшөт
Билим берүү жана илим министрлиги мектептердин жана бала бакчалардын директорлук кызматтарына талапкерлерди интервьюдан өткөрбөй эле кабыл алуу боюнча жаңы долбоорду талкуулоону баштады.
Ушул сунушталган долбоордун алкагында учурдагы эрежелерди бирдейлештирүү жана билим берүү мекемелеринин жетекчилерин тандоо процессине санариптик платформаны киргизүү пландаштырылууда.
Жаңы стандартка ылайык, кандидаттар интервьюдан өтүүгө муктаж эмес, алар жылына эки жолу компьютердик тесттерди тапшырат. Бул тесттердин жыйынтыктары башкаруучулук кадрлар резервин түзүү үчүн негизги критерий болуп калат. Бардык жаңы директорлор алты айлык сынак мөөнөтүн өтүшөт, анын аягында эмгек келишимин түзүү же кызматтан бошотуу маселеси чечилет.
Бул дайындоо тартибин киргизүү коррупция деңгээлин төмөндөтүүгө жана бюджеттик чыгымдарды оптималдаштырууга жардам берет деп күтүлүүдө.
сүрөт www
