Жолугушууда «жашыл мектептер» үчүн регионалдык платформа концепциясы талкууланды, ал «Балдар, жаштар жана климат» темасындагы жогорку деңгээлдеги тегерек столдо бекитилиши керек. Катышуучулар ошондой эле региондо экологиялык чакырыктарды эске алуу менен климатка туруктуу билим берүү системаларын түзүү маселелерин көтөрүштү.
Джусупбекова Кыргызстанда билим берүүнү экологиялаштыруу боюнча жүргүзүлүп жаткан реформалар жана учурдагы абал тууралуу маалымат берди. Ал жумуш бир нече багытта жүргүзүлүп жатканын белгиледи: ресурстарды үнөмдөө, мектеп инфраструктурасынын климаттык өзгөрүүлөргө коопсуздугун жана туруктуулугун жогорулатуу, ошондой эле экологиялык темаларды окуу планарына интеграциялоо.
Анын айтымында, Кыргызстанда болжол менен 120 климатка туруктуу мектеп иштеп жатат, энергияны натыйжалуу пайдалануу боюнча долбоорлор ишке ашырылууда, курулуш нормалары жаңыланууда, ошондой эле «жашыл мектеп» стандарттары иштелип чыгууда.
