Жыйында коомдук-социалдык абалды начарлаткан факторлорду алдын алуу жана коомдук жайларда кылмыштуулукка каршы күрөшүү чараларына көңүл бурулду.
Улан Ниязбеков профилактикалык чаралардын маанилүүлүгүн баса белгилеп, жыйынга катышуучуларга бул тармакта жогорку сапаттагы иштерди камсыздоону тапшырды.
«Ар бир жетекчи өз аймагындагы оперативдик абал үчүн жоопкерчилик алууга жана кылмыштуулукту алдын алуу жана ага каршы күрөшүү боюнча комплекстүү чараларды ишке ашырууга тийиш», — деди ал.
Мындан тышкары, «Коопсуз өлкө» долбоорун ишке ашырууну улантуу тапшырылды, анын аткарылышына системалуу көзөмөлдү, профилактика боюнча иш-чараларды активдештирүүнү, видеокөзөмөлдү эффективдүү пайдаланууну жана аныкталган кемчиликтерге ыкчам жооп берүүнү баса белгиленди.
Жыйында кызматкерлердин кызматтык дисциплинасын жана мыйзамдуулукту катуу сактоо зарылдыгына өзгөчө көңүл бурулду. Жетекчилерге өз бөлүмдөрүндө дисциплинаны сактоо боюнча жеке жоопкерчилик жөнүндө эскертилди, кызматтык этиканы бузууга жол бербөө жана ар бир бузуу фактысы боюнча чечим кабыл алуу зарылдыгы айтылды.
Ошондой эле жарандардын кайрылууларын иштеп чыгууга көңүл бурулду. Жыйынга катышуучуларга мындай кайрылууларды ар тараптуу жана убагында карап чыгуу, формалдуу мамилени четтетүү жана кызмат көрсөтүүнүн сапатын жогорулатуу тапшырылды.
