Turmushтун кабарчысы билдиргендей, маалымат Аламедин райондук мамлекеттик администрациясынан келип түшкөн.
«Бул жыл сайын өткөрүлүүчү иш-чаранын максаты тил мурасын сактоо жана өнүктүрүү», — деп белгилешти уюштуруучулар.
Майрамга жергиликтүү тургундар, мугалимдер, окуучулар жана ар кандай улуттук коомчулуктардын өкүлдөрү катышып, өзүнүн туулган тилдеринде ырларды аткарып, көркөм номерлерди көрсөтүштү, ошондой эле өз кол өнөрчүлүктөрүн көрсөтүштү.
Катышуучулардын арасында уйгур, кавказ, түрк, өзбек жана орус диаспоралары болду. Ошондой эле иш-чарада Япония, Нигерия жана Конгодон келген волонтёрлор да болушту. Орозо айы менен чектеш келгендиктен, кээ бир диаспоралар катышуудан баш тартышты. Келгендер үчүн дүйнөдөгү элдердин тилдери боюнча викториналар уюштурулду.
Элдин жашоосунда тилдин мааниси жана маданий баалуулуктарды муундан муунга өткөрүүнүн маанилүүлүгү талкууланды, достук жана ынтымак темалары баса белгиленди.
Иш-чаранын аягында ар кандай улуттардан жана диаспоралардан катышуучуларга Аламедин райондук мамлекеттик администрациясынын жетекчисинен ыраазычылык каттары тапшырылды», — деп айтылат пресс-релизде.
- 21-февраль — бул 1999-жылы ЮНЕСКО тарабынан жарыяланган күн, ал 2000-жылдан бери дүйнө жүзү боюнча тилдерди коргоо жана сактоо максатында белгиленет.
