Иш-чара 21-февралда белгиленген Эл аралык туулган тил күнү менен байланыштуу өткөрүлдү.
Төтөнчө кырдаалдар министрлигинде «Сармерден» форматында тил майрамы өтүп, ага таланттуу жаштар катышты. Бул тууралуу министрликтин басма сөз кызматы билдирди.
ӨКМдин кичи сахнасында жаш катышуучулар өз таланттарын көрсөтүп, макал-лакаптарды, оозеки сүйлөмдөрдү, табышмактарды, ошондой эле айтыш өнөрүн жана «Манас» эпосун аткарышты.
Министр Урматбек Шамырканов да иш-чарада болду.
Майрамдын аягында ал катышуучуларга эстелик сыйлыктарды тапшырды жана куттуктоо сөзүн сүйлөдү.
«Бул күн 1999-жылы ЮНЕСКОнун Генералдык конференциясы тарабынан жарыяланган жана 2000-жылдан бери маданий ар түрдүүлүктү жана көп тилдүүлүктү колдоо үчүн белгиленип келет. Келечек билимдүү жаштарда. Кыргыз тилин үйрөнүп, башка тилдерди изилдеп, биз ар түрдүү элдердин маданиятын тереңирээк түшүнө алабыз», — деп баса белгиледи министр.
Мындан тышкары, ал жаштарды кыргыз элдин оозеки чыгармачылыгын унутпоого жана өнүктүрүүгө чакырды.
сүрөт www
