Министрликтин басма сөз кызматынын маалыматына ылайык, талкуу Швейцариянын колдоосу менен өлкөнүн саламаттык сактоо тармагында ишке ашырылган долбоорлордун жыйынтыктарына, ошондой эле кызматташуу боюнча келечектеги пландарга арналды.
Жыйындын жүрүшүндө калк үчүн медициналык кызматтардын финансылык жеткиликтүүлүгүн жакшыртууга, жарандардын ден соолугу боюнча маалымдуулугун жогорулатууга, анын ичинде жергиликтүү ден соолук комитеттеринин ассоциацияларын түзүүгө, ошондой эле медициналык персоналды квалификациясын жогорулатууга, биринчи медициналык-санитардык жардамды күчөтүүгө жана инфекциялык эмес ооруларды башкарууга багытталган биргелешкен инициативалардын жыйынтыктары каралды.
Тараптар өнөктөштүктү мындан ары чыңдоого жана саламаттык сактоо системасын өнүктүрүүнүн негизги тармактарында кызматташууну кеңейтүүгө кызыктар экендиктерин билдиришти.
