Талкуу учурунда тараптар Швейцариянын колдоосунда Кыргызстандагы саламаттык сактоо системасында ишке ашырылып жаткан долбоорлордун жыйынтыктарын чыгарды, ошондой эле келечектеги кызматташуу мүмкүнчүлүктөрүн карашты.
Негизги көңүл саламаттык сактоо тармагында жарандардын финансылык корголушун жакшыртууга, калктын ден соолук тууралуу маалымдуулугун жогорулатууга, жергиликтүү ден соолук комитеттеринин ассоциацияларын өнүктүрүүгө, ошондой эле медициналык кызматкерлердин квалификациясын жогорулатууга багытталган биргелешкен демилгелердин жыйынтыктарына бөлүндү. Ошондой эле биринчи медициналык-санитардык жардамды күчөтүү, инфекциялык эмес оорулардын алдын алуу жана башкаруу, ошондой эле саламаттык сактоо тармагындагы башкарууну жакшыртуу маселелери талкууланды.
Жолугушуунун катышуучулары учурдагы долбоорлор медициналык кызматтардын жеткиликтүүлүгүн жана сапатын жакшыртууга, алдын алуу иш-чараларын өнүктүрүүгө жана өлкөнүн саламаттык сактоо системасынын институттук мүмкүнчүлүктөрүн күчөтүүгө жардам берерин белгилешти.
Переговорлордун жыйынтыгы боюнча эки тарап өнөктөштүктү улантууга жана саламаттык сактоону өнүктүрүүнүн приоритеттүү багыттарында кызматташууну кеңейтүүгө кызыкдар экенин билдиришти.
