Мэр, тиешелүү кызматтардын жетекчилери менен биргеликте соода жайларынын ээлери жана жаңы объектилерди куруу менен алектенген подрядчиктер менен жолугушуу өткөрдү.
Талкуу учурунда тараптар ортосундагы пикирлер жана түшүндүрмөлөр алмашылды.
Жанар Акаев өзүнүн негизги приоритеттери шаар тургундары үчүн ыңгайлуу шарттарды түзүү, бизнесмендердин укуктарын коргоо жана Ош шаарында тартипти сактоо экенин белгиледи. Ал ошондой эле учурдагы маселелерди адилеттүү жана ачык түрдө мыйзамга ылайык чечүүнүн маанилүүлүгүн айтты.
Мэрияда мурда Алишер Навои атындагы парктын аймагында тартип орнотуу боюнча иштер жүргүзүлгөндүгүн, анын ичинде эски соода палаткаларын бузуу, аймакты тазалоо жана жаңы дарактарды отургузуу иштери жүргүзүлгөндүгү эскертилди. Бул иштер шаардыктар үчүн коопсуз, таза жана заманбап эс алуу зонасын түзүүгө багытталган. Соода жайларын бузуу иштери январь айында мурдагы шаар башчысы Женишбек Токторбаевдин буйругу менен башталган.
