Жаңы документке ылайык, ири мүйүздүү малды, ошондой эле аттарды, эшектерди жана мулдарды идентификациялоодо чиптерди гана эмес, кошумча белгилөө — «i» символу бар атайын клеймо колдонууга уруксат берилет. Бул клеймо жаныбардын сол тарабында, жамбаш аймагында же жаактын алдындагы төмөнкү бөлүгүнө суюк азот менен коюлат.
Мындай жаңылык идентификацияланган жаныбарларды визуалдык таанууну жеңилдетип, аларды ташуу же сатуу учурунда алмаштыруу тобокелдигин азайтууга жардам берет.
Бул өзгөртүүлөр жарыяланган күндөн тартып он күндөн кийин күчүнө кирет.
