“Менин үйүм” мамлекеттик турак-жай программасынын алкагында мамлекеттик чек араны коргоо кызматында иштеген 100 аскер кызматкери жаңы батирлерин алышты.
Алардын 50 батири “Асман-6” турак жай комплексинде, ал эми калган 50 батири Сузак районундагы “Асман-4” комплексинде жайгашкан.
Иш-чарага аскер бөлүгүнүн командири подполковник Э. Саяков жана Мамлекеттик ипотекалык компаниянын өкүлү катышып, жаңы батир ээлерин куттуктап, имараттын ачкычтарын тапшырды.
“Менин үйүм” программасынын алкагында өлкөнүн ар кайсы региондорунда турак жай куруу иштери уланууда.
