2023-жылдын башынан 2026-жылдын февралына чейин 2 миллион 506 миң 791 жаран текшерүүдөн өттү. Скринингдин жүрүшүндө 40 миң 942 гепатит В, 23 миң 39 гепатит С жана 1 миң 67 гепатит D учурлары аныкталды.
Кадыралиев ошондой эле терс тест натыйжалары бар жарандар акысыз вакцинациялоого жөнөтүлөрүн, ал эми оң натыйжалары барлар үй-бүлөлүк медицина борборлорунда дарыланарын белгиледи.
Мындан тышкары, электрондук саламаттык сактоо борбору менен кызматташтыкта вирус жугузуучу гепатиттер менен жабыркагандар үчүн пациенттердин регистри түзүлдү.
2025-жылы алдын алуу иштери Кыргызстандагы 1,5 миллионго жакын тургунду камтыды, деп билдирет Саламаттык сактоо министрлиги.
