Сүрөт тууралуу эскерүүлөрүн жергиликтүү активист жана райондун тургуну Мирбек Маниясов бөлүштү, ал бул кадрды архивинен тапкан.
«Ал убакта Сокулукте жалгыз фото салон бар эле, анда райондук ыр конкурсу өткөндөн кийин чыгармачыл топ чогулуп, жалпы сүрөт тарттырган», — деп белгиледи Маниясов.
Бул сүрөттө келечектеги Жогорку Кеңештин депутаты Эдита Тайгараева көрүнүп турат, ал учурда төрт жашта эле. Ал конкурска катышкан соң фото салонго кирип, чоңдор менен бирге бул учурду чагылдырган.
Маниясовдун айтымында, сүрөттө ыр конкурсуна катышкан чыгармачыл топ чагылдырылган. Иш-чара аяктагандан кийин алар райондун жалгыз фото салонунда биргелешип сүрөт тарттырууну чечишкен.
Мирбек Маниясов сүрөт тууралуу кызыктуу деталдарды да кошумчалады:
«Кичинекей Эдитанын жанына сүрөттө анын апасы турат. Ошондой эле менин апам да бар. Аккордеон менен турган адам көп жылдар бою биздин айылда ветеринар болуп иштеген. Алдынкы сапта отурган Садыр Колхобекович ошол кезде айыл өкмөтүнүн башчысы эле, кийинчерээк Сокулук райондук мамлекеттик администрациясынын аппаратына жетекчилик кылды. Э.Тайгараева бала кезинен музыкага кызыгып, ар кандай конкурстарга жана иш-чараларга активдүү катышып келген», — деп кошумчалады ал.
