Чынарбек Шекеновдун айтымында, бул чара мажбурлап кабыл алынган жана жарандарды коргоого, өзгөчө кырдаалдардын алдын алууга жана табигый кырсыктарга дуушар болгон зоналардагы коркунучтарды азайтууга багытталган. «Жаздын башталышы менен таш түшүү жана жер көчкү сыяктуу коркунучтуу табигый процесстердин активдешүүсү байкалууда. Ошондуктан биздин райондук ТЖБ бөлүмдөрү калктын коопсуздугун камсыздоо үчүн күчөтүлгөн режимде иштешүүдө жана кеңири профилактикалык иш-чараларды өткөрүүдө», - деди ал.
Эскертүү иш-чараларынын алкагында ТЖБ кызматкерлери төмөнкү иштерди жүргүзүштү:
- 648 үй-бүлөгө, кооптуу участкаларда жашаган, көчүү зарылдыгы тууралуу расмий билдирүүлөр жана көрсөтмөлөр тапшырылды.
- коопсуздук талаптарын эске албаган үй-бүлөлөргө каршы 100дөн ашык иш жергиликтүү бийлик тарабынан даярдалып, сот органдарына өткөрүлдү.
- 6 үй-бүлөгө карата сот териштирүүлөрү аякталды, чечимдер күчүнө кирди жана аткарууга өткөрүлдү.
Мүмкүн болгон табигый кырсыктар зонасында жашоо маселеси регион үчүн курч бойдон калууда. ТЖБнын маалыматы боюнча, учурда Жала-Абад облусунун кооптуу зоналарында 1009 үй-бүлө жашап жатат жана алардын коопсуз аймактарга поэтаптуу көчүрүү иштери уланууда.
