Бул долбоордун алкагында төмөнкү багыттар боюнча жогорку кесиптик билим берүү үчүн жаңы билим берүү стандарттарын бекитүү сунушталууда:
- жалпы саламаттыкты сактоо (бакалавр, магистр);
- медициналык сестралык иш (бакалавр, магистр);
- акушердик иш (бакалавр, магистр);
- дарылоо иши;
- педиатрия;
- медициналык-профилактикалык иш;
- стоматология;
- фармация.
Билим берүү стандарттарын кайра карап чыгуу медициналык жана фармацевтикалык программаларды сунуштаган жогорку окуу жайлары үчүн лицензиялык талаптардагы өзгөртүүлөр менен шартталган. Айрыкча, ар кандай билим берүү программаларын ишке ашыруу үчүн зарыл болгон клиникалык базаларга болгон талаптар жаңыланды.
Жаңы билим берүү стандарттарын түзүү медициналык адистерди даярдоодо мамлекеттик монополияны киргизүү боюнча президенттин жарлыгына ылайык жүргүзүлүүдө.
